АНУ-ын Тэнгисийн цэргийн нисэх онгоц Японы зүүн өмнөд эргийн Окинавагийн орчимд тэнгисийн усанд осолдсон талаар ВВС мэдээллээ. Онгоцонд нисэх багийн гишүүд, зорчигч нийлсэн 11 хүн зорчиж явжээ. Онгоц Филиппиний тэнгист үүрэг гүйцэтгэж яваа USS Ronald Reagan хөлөгт хүрэх замдаа осолдсон байна. 

Ослын шалтгаан одоогоор тодорхойгүй бөгөөд зорчигчдын ар гэр, төрөл төрөгсөдтэй холбогдох хүртэл тэдний талаар мэдээлэл өгөх боломжгүй гэж АНУ-ын Тэнгисийн цэргийн хүчнээс гаргасан мэдэгдэлд дурджээ.

Өнгөрсөн наймдугаар сард Сингапурын ойролцоо АНУ-ын Тэнгисийн цэргийн USS John McCain хөлөг ачаа тээвэрлэгч онгоцтой мөргөлдсөний улмаас тэнгисийн цэргийн 10 алба хаагч амь үрэгдсэн осол гарсан билээ. 

С.ЦЭЛМЭГ