Монголын зээлжих зэрэглэл “В-тогтвортой” үнэлгээнээс “В-эерэг” болж өссөнийг “Fitch” агентлаг өчигдөр зарлалаа. Манай улсын зээлжих зэрэглэл өссөнд төсвийн орлого нэмэгдсэн нь эерэгээр нөлөөлжээ. Монгол Улсын төсвийн орлого нэг их наядаар өссөнийг Үндэсний статистикийн хороо мэдээлсэн. Нөгөө талаар, Монголын зээлжих зэрэглэл өссөнд ОУВС-гийн хөтөлбөрт хамрагдсан нь нөлөөлсөн бололтой. Улс орнуудын зээлжих зэрэглэлийг тогтоодог олон улсын агентлагууд өнгөрсөн 2016 оны арваннэгдугээр сард Монголын зээлжих зэрэглэлийг “В-’ бууруулснаа зарлаж байсан юм.

Ц.БАЯР

Эх сурвалж: “Зууны мэдээ” сонин