Дуучин Lady Gaga Австралид тоглолтоо хийхээр өчигдөр Сиднейн нисэх онгоцны буудалд буужээ. Олны анхаарлын төвд байх дуртай дуучин энэ удаа ч шуугиан дэгдээх боломжийг алдсангүй.  Диснейн хүүхэлдэйн баатар Минни хулгана шиг хувцасласан дуучин камерын өмнө хэд хэдэн позе үзүүлж аваад хар лимузинд суун Сиднейн “Дөрвөн улирал” хэмээх зочид буудал руу давхиж одсон гэнэ. Аюултай өндөр платформ өмссөн дуучин онгоцноосоо чөлөөт уналт хийхгүйг хичээн маш болгоомжтой буусан ажээ. Хатагтай Gaga ирэх лхагва гаригт  Сиднейн  “Town Hall”-д “Born This Way” тоглолт хийхээр төлөвлөж байгаа юм. Дуучин шүтэн бишрэгчдэдээ зориулж тоглолтыг үнэгүй үзэх олгох уралдаан “Facebook”-ээр зарласан гэнэ. Lady Gaga-д хайртайгаа нотолж чадсан шүтэн бишрэгч ялагч болох юм байна.