МАН-ын Бага хурал Тусгаар тогтнолын ордонд хуралдав. Хурлаар намын дүрэмд өөрчлөлт оруулах асуудлыг хэлэлцжээ.

УИХ-ын гишүүн Ш.Раднаасэдээр ахлуулсан ажлын хэсэг МАН-ын дүрмийн 50 гаруй зүйл, заалтыг өөрчилж боловсруулсан юм. 

Дүрмийн шинэчлэлд,

• Шийдвэр гаргах түвшинд намын анхан шатны гишүүд оролцдог болох,
• Удирдах зөвлөл болон Хяналтын хорооны гишүүдийн тоог багасгах,
• Хариуцлагатай, ил тод нээлттэй байдлыг нэмэгдүүлэх чиглэл тусгах,
• Намын санхүүжилтийн үйл ажиллагааг журмаар зохицуулах,
• Намын гишүүдийн ёс зүйн асуудалтай холбоотой шинэ бүтэц бий болгох зэрэг асуудлыг тусгаж байгаа аж.

Дээрх төслийг Бага хуралд танилцуулжээ.

Т.НОМИН