Нийслэлийн Баянзүрх дүүргийн ’’Мандала’’ хотхонд баригдаж байгаа барилгын дэд станцад хүн амиа алдсан харамсалтай хэрэг гарчээ. Тодруулбал, өчигдөр 20:31 цагт тус хотхонд “Прохит” ХХК-ийн цахилгаанчин цахилгаанд цохиулан, төмөр хийцэд хавчуулагдсан тухай дуудлага иржээ. Дуудлагын дагуу нийслэлийн Онцгой байдлын газрын аврагчид очиход “Прохит” ХХК-ийн цахилгаанчин 27 настай Б нь 380 вольтын хүчдэлд цохиулж нас барсан байжээ. Уг хэргийг Баянзүрх дүүргийн цагдаагийн хэлтэст шалгаж байна.

Б.БАТ