Монгол Улсын төсвийн дийлэнхийг уул уурхайн бүтээгдэхүүний экспорт бүрдүүлдэг. Монголын топ татвар төлөгчид зэсийн үйлдвэрлэгчид бөгөөд дэлхийн зах зээлд зэсийн үнийн өсөлтийн цикл таарч байна. Энэ боломжийг Монгол хэрхэн ашиглаж байна вэ.

Зэс

Лондоны үнэт металлын биржид тонн цэвэр зэсийн үнэ 2017 оны аравдугаар сарын дунджаар 6797.4 америк доллар болж, өмнөх сараас 214.2(3.3%) америк доллараар, өмнөх оны мөн үеэс 2065.3 (43.6%) америк доллараар өссөн байна.

Алт

Лондоны металлын биржид нэг унц алтны үнэ 2017 оны аравдугаар сарын дунджаар 1280.1 америк доллар болж, өмнөх сараас 34.9(2.7%) америк доллараар буурч, өмнөх оны мөн үеэс 13.5 (1.1%) америк доллараар өссөн байна.

ГАЗРЫН ТОС

Нью-Йоркийн худалдааны биржид нэг баррел газрын тосны үнэ 2017 оны аравдугаар сарын дунджаар 51.7 америк доллар болж, өмнөх сараас 1.1 (2.2%) америк доллараар, өмнөх оны мөн үеэс 1.5 (2.9%) америк доллараар өсжээ.

Б.БАТ