Иран, Иракын зааг дээр энэ сарын 12-нд хүчтэй газар хөдлөлт болж, 500 гаруй хүн нас барж, 7000 гаруй хүн бэртэж гэмтсэнээс гадна 70 мянган хүн орон гэргүй болоод байна. Үүний улмаас Ираны Засгийн газар гурван хоногийн гашуудал зарлаад байгаа юм. Ираны чөлөөт бөхийн холбоо тусламжийн аянд нэгдэж, гадаадын иргэдээс тусламжийн данс нээгээд байгаа юм. Ираны бөхчүүд тэр дундаа олимп, дэлхийн аварга Хассан Яздани газар хөдлөлтөд нэрвэгдсэн иргэдэд туслах арга хэмжээнд идэвхи, санаачилгатай оролцож байна. Хамгийн их хүн нас барсан Керманшах хотод өнгөрсөн хоёрдугаар сард эрэгтэйчүүдийн Дэлхийн цомын тэмцээн болсон юм.

Эх сурвалж: МЧБХ