Хятад улс цаг уур судлалын бас нэгэн хиймэл дагуул хөөргөсөн байна. Хятадын хойд нутгийн Шаньси муж дахь Тайюань хиймэл дагуул хөөргөх цэгээс өнөөдөр орон нутгийн цагаар 02.35 цагт Фенюнь-3D хиймэл дагуулыг хөөргөжээ. 

Лонг Марч-4C пуужингаар хиймэл дагуулыг задгай сансарт амжилттай гаргасан байна. 

Фенюнь-3D хиймэл дагуул нь дэлхийн цаг уурын гурван хэмжээст зургийг дэлхий рүү илгээх үүрэгтэй юм.  Түүнчлэн 2013 оны есдүгээр сард хөөргөсөн Фенюнь-3C хиймэл дагуулын дутагдалтай талыг нөхөж ажиллах гэнэ. Хиймэл дагуулын энэ сүлжээ нь Хятад улс байгалийн гамшгаас сэргийлэх чухал ач холбогдолтой юм байна. 

Фенюнь-3D хиймэл дагуул болон Лонг Марч-4С пуужинг Шанхайн сансрын нислэгийн технологийн академи болон Хятадын сансар судлал, технологийн корпораци хамтран бүтээжээ. 

С.ЦЭЛМЭГ