Гадаад харилцааны сайд Д.Цогтбаатар 2017 оны арваннэгдүгээр сарын 13-ны өдөр Их Британи, Умард Ирландын Нэгдсэн Вант Улсын Гадаад хэрэг, хамтын нөхөрлөлийн яамны Ази, Номхон далайн асуудал эрхэлсэн Төрийн сайд Марк Фийлдтэй утсаар ярив. Сайд нар Монгол, Британийн хоёр талын харилцаа, хамтын ажиллагааг өргөжүүлэн хөгжүүлэх, дээд, өндөр түвшний яриа хэлэлцээ, айлчлалыг тогтмолжуулах талаар ярилцаж, олон талт хамтын ажиллагааны талаар санал солилцов.

Эх сурвалж: ГХЯ