Домогт тамирчин сагсан бөмбөгийн од Майкл Жорданы 30 жилийн өмнөх  хайрын захидал олдсон нь шуугиан дэгдээгээд байна. 1980 онд Лакветт хэмээх бүсгүйгээс Майкл Жорданд хаягласан захидал 2004 онд үнэ хаялцуулах худалдаанд 5,100 ам.доллараар зарагдсан ажээ. Харин Лакветт бүсгүй захидлыг хулгайлсан этгээдийн эсрэг шүүхэд нэхэмжлэл гаргах гэж байгаа гэнэ. Майкл Жордантай дунд сургуульд байхдаа үерхэж байсан бүсгүй захидлыг үнэ хаялцуулах худалдаанд зарагдсаныг ч мэдээгүй ажээ. Лакветт “Энэ бол миний захидал, миний хувийн эд зүйл. Миний зөвшөөрөлгүй, надад мэдэгдэлгүй үүнийг өмчилж, худалдсан нь таалагдахгүй байна” гэж мэдэгдсэн байна.  Мөн тэрбээр “Майкл намайг ингэсэн гэж бодохоос юу юунаас илүү санаа зовж байна” гэж “CNN”-д өгсөн ярилцлагадаа өгүүлжээ.