Цагдаагийн ерөнхий газрын дарга цагдаагийн хошууч генерал Ц.Амарболд өнөөдөр тушаал гарган Ардын хувьсгалын 90, Цагдаагийн байгууллагын 90 жилийн ойг тохиолдуулан цагдаагийн офицерүүдийн цол, тэмдгийг гардууллаа. Энэхүү тушаалаар цагдаагийн хурандаа ес, цагдаагийн дэд хурандаа 42, цагдаагийн хошууч 58, цагдаагийн ахмад 122, цагдаагийн ахлах дэслэгч цол 122 хүнд олгож, офицерийн бие бүрэлдэхүүнд шинээр 28 хүн оруулан цагдаагийн дэслэгч цол олгож, цол тэмдгийн Цагдаагийн ерөнхий газрын гадаа болсон ёслолын үеэр гардууллаа. Энэ жил цагдаагийн байгууллагын 90 жилийн ой болж байгаа. Цагдаагийнхан энэхүү ойгоо долдугаар сарын 16-нд Төв цэнгэлдэх хүрээлэнд тэмдэглэнэ. Баярын үеэр баярын жагсаал, хүндэтгэлийн тоглолт, спортын өдөрлөг зохион байгуулах юм байна.