“Яахаас ч буцахгүй эзэгтэй нар” телевизийн алдартай цуврал киноны од жүжигчин Эва Лонгориа залуу амрагтай болжээ. Шинэхэн амрагууд Испанид хоёр долоо хоногийг наран шарлагийн газар амарч өнгөрүүлсэн гэнэ. Эва Лонгориагийн залуу амраг испани дуучин Эдуардо Крус Холливуудын жүжигчин Пенелопе Крусын дүү ажээ. Пенелопе Крус өнгөрсөн сард нээлтээ хийсэн “Карибын тэнгисийн дээрэмчид буюу нууцат түрлэг” кинонд амжилттай тоглосон юм. Жүжигчин Эва Лонгориа шинэ амрагтайгаа хэдэн сарын өмнө танилцсан бөгөөд Испанид очиж гэр бүлийнхэнтэй нь танилцсан гэнэ. Тэрбээр өмнө нь сагсан бөмбөгчин Тони Паркертай гэрлэж байсан юм.