АНУ-ын Netflix компани Оросын хаадын тухай тэр дундаа Романовын удмынхны тухай өгүүлсэн “Сүүлчийн хаад” нэртэй кино хийж байгаа хэмээн Deadline сайтад мэдээлжээ.

Уг сайтад мэдээлснээр, кино чамгүй өндөр өртгөөр бүтэж байгаа бөгөөд энэ киног бүтээх эрхийг Nutopia компаниас худалдан авчээ. Кино зургаан ангитай бөгөөд ирэх онд үзэгчдэд санал болгохоор зэхэж байгаа гэсэн ч тодорхой хугацаа хэлсэнгүй.

Кинонд Оросын сүүлчийн хаан Николай II болон түүний гэр бүлийн амьдрал, гунигт төгсгөлийг баримтад түшиглэн өгүүлэх ажээ. 

Эх сурвалж: РИА НОВОСТИ