Монголын Хөлбөмбөгийн Холбооны ерөнхийлөгч А.Ганбаатар энэ онд МХБХ-ны музей, архив байгуулах ажлын хэсгийг томилсон билээ. Үүний дагуу ажлын хэсэг багагүй эд материалыг цуглуулаад байна.

Үүнд 1960,70-аад оны Монголын хөлбөмбөгтэй холбоотой ховор эд зүйлс, фото зургууд ч багтжээ. Энэхүү ажлын хэсгийг МХБХ-ны техникийн хэлтсийн захирал Ш.Жаргалсайхан ахалж байгаа юм. Музей байгуулахад өөрсдийн хувь нэмрээ оруулж, ховор нандин зүйлс, фото зургуудаа авчирсан Л.Сандагдорж, Банзрагч (Замын-Үүд), Л.Доржсүрэн, П.Болд (Ягаанаа), Агваанпунцаг, Л.Доржжав нарын хүмүүстээ талархал илэрхийлье. 

Эх сурвалж: МХБХ