Баянзүрх дүүрэг тавдугаар хороо ‘Кино үйлдвэр’-ийн орчимд есөн давхар барилгын гадна пасадны ажил хийж байсан дөрвөн хүн унаж нас барсан ноцтой осол гарлаа. Талийгаачдын гурав нь газар дээрээ нас барсан бол нэг нь Гэмтэл, согог судлалын үндэсний төв рүү түргэний машинаар хүргэгдэх замдаа амьсгал хураажээ. Яг одоо Баянзүрх дүүргийн цагдаагийн I хэлтсийнхэн хэрэг гарсан барилгыг хамгаалалтад авч, үзлэг хийж байна. Тэд 30-40 насныхан бөгөөд ямар нэгэн компанийн ажилтнууд биш хувиараа хөдөлмөр эрхэлдэг хүмүүс болохыг албаны эх сурвалж мэдээллээ.

Гэрэл зургийг Н.Батмөнх