Ойрын өдрүүдэд Монгол орны нийт нутгаар цас орж, эрс хүйтрэхийг Цаг уур, орчны шинжилгээний хүрээлэнгээс сэрэмжлүүлж байна. Тодруулбал, өнөөдөр баруун болон хангайн, төвийн бүсийн зар газар, зүүн бүсийн хойд хэсгээр цасан шуурга шуурах аж. Иймд малчид, тариаланчид, тээвэрчдэд цаг уурын гэнэтийн үзэгдэл, цасан шуурганы үеэр анхаарал болгоомжтой байхыг сэрэмжлүүлж байна. Мөн төв, зүүн аймгуудын нутаг, говийн нутгийн хойд хэсгээр ахиухан хэмжээний хур тунадас, цас орж цасан шуурга шуурч, ихэнх нутгаар хүйтрэхийг онцгойлон анхааруулж байна.

Б.БАТ