Цаг хугацаа орон зайн эрхээр биднээс алсран оддог ч дууг нь сонсоод, зургийг нь хараад л сэтгэл сэргэдэг дурсамжууд танд байдаг биз дээ? Тэр тусмаа яг тухайн цаг үедээ очсон мэт мэдрэмжийг авч чадах нь хүний тархи, зүрхэнд хамгийн их адерналин ялгаруулдаг болов уу. Харин яг энэ бүхний бодит биелэл болсон 80, 90-ээд оноор буцан аялах залуусын шоуг Крокусийн хамт олон “брэнд” болгож чадсан билээ.

Залуусын сэтгэлд хүрч тэдний хүсэн хүлээдэг арга хэмжээний нэг болсон “Back to the 80’-90′ DISCO Crocus” хөтөлбөр хэдийнээ мянга мянган оролцогчтой болсон. 80,90-ээд оны залууст зориулсан цаг хугацаагаар аялуулан, дурсамж хөглөх диско үдэшлэгийг улиралд ганцхан удаа зохион байгуулдаг бөгөөд энэ оны намрын шоу энэ Баасан гарагт Крокуст болох гэж байна.

Энэ үеэр хуучин бүхэн яг л тэр үед байсан шигээ дэлгэгдэж лангуун дээр улаан ус, молоко, шагшуурга хуучны мөнгөн дэвсгэртээр борлуулагддаг. Мөн залууст ховор нандин пянз, хөгжим, хэрэгслийг дэргэдээс нь сонирхох ховорхон боломжийг олгох учраас залуу насны анги хамт олны ойн уулзалтаа ч тэмдэглэх боломжтой.

80, 90-ээд оны залуусын дурсамжийг хөглөж сэтгэлийг сэргээдэг “Back to the 80,90 Disco Crocus” сүүлийн 1 жил гаруй хугацаанд илүү өргөн цар хүрээтэй болж гадны хамтлаг дуучдыг ч эх орныхоо тайзанд урьж тоглуулсан билээ.

Тодруулбал, 1980-аад оны үед оюутан цагийнхаа нандин дурсамжийг мөнхлөхийн зэрэгцээ эх орныхоо хөгжил дэвшил бүтээн байгуулалтанд хувь нэмэр оруулсан залуус өдгөө 45-аас дээш насныхны ангилалд хамаарна. Харин энэ үеийнхний дурсамжийг сэргээж 80-аад оны диског эргэн санагдуулж Австрийн алдарт “Joy” хамтлагийн тоглолт Крокусийн тайзнаа тоглолтоо хийснийг 80 оны залуучууд болон шоуны үнэнч фенүүд санаж байгаа биз ээ.

Харин 1990-ээд он буюу Ардчилал зах зээл эхлэх үеийн залуус, оюутнууд 35 буюу түүнээс дээш насны залуус багтана гэж хэлбэл илүү тохиромжтой болов уу. Эдгээр залууст зориулсан нэгэн гайхалтай үдшүүд нь Английн алдарт “London Beat”, “La Bouche”, мөн Английн алдарт “East17” хамтлагууд Крокусийн тайзнаа тоглолтоо хийсэн явдал билээ.

Харин 11 сарын 3-нд болох 80’90’оны дисконд Орос болон дэлхийн алдарт дурсамжит дуунууд дуулахаар ОХУ-ын Эрхүү хотоос дуучин Анастасия Левина уригдан оролцохоор болсон нь шоуны бас нэгэн чимэг болох нь. Мөн энэ үдэш Монголын хамтлаг, дуучид та бидний сэтгэлд хоногшсон дуунуудыг амилуулахаас гадна тэр үеийн цоглог диско хөгжимд бүжиглэн нэгэн үдшийг гайхалтай өнгөрүүлэх боломж дахин нээгдэх нь ээ.

https://www.facebook.com/CrocusEventHall/videos/1334763873300874/