МАН-ын бүлэг Ерөнхийлөгчийн хоригийг хэлэлцэнэ | News.MN

МАН-ын бүлэг Ерөнхийлөгчийн хоригийг хэлэлцэнэ

Хуучирсан мэдээ: 2017.10.31-нд нийтлэгдсэн

МАН-ын бүлэг Ерөнхийлөгчийн хоригийг хэлэлцэнэ

МАН-ын бүлэг Ерөнхийлөгчийн хоригийг хэлэлцэнэ

УИХ дахь МАН-ын бүлэг өнөөдөр 17.00 цагт ээлжит бусаар хуралдах гэж байна. Хуралдаанаар Засгийн газрын зарим сайд нарт тавьсан Ерөнхийлөгчийн хориг, мөн 2018 оны төсвийн хуультай холбоотой зарим асуудлыг хэлэлцэх аж.  

Ерөнхийлөгчийн хоригийг нэг тийш шийдээгүй байж ирэх оны төсвийг чуулганы нэгдсэн хуралдаанаар хэлэлцэх нь зохимжгүй гэсэн шүүмжлэл гишүүдээс гарсан. Учир нь Сангийн сайдын томилгоонд Ерөнхийлөгч хориг тавьсан нь нөхцөл байдлыг ээдрээтэй болгоод байгаа. Өөрөөр хэлбэл, Ерөнхийлөгчийн хориг тавьснаас хойших хугацаанд Сангийн сайдын зүгээс гаргах бүх шийдвэр хууль эрх зүйн хүрээнд баталгаатай болж чадахааргүй байгаа юм. Үүнээс улбаалж бүлэг асуудлыг хэрхэн шийдэх вэ гэдгээ хэлэлцэх шаардлагатай болсон. 

УИХ дахь МАН-ын бүлэг өнгөрсөн баасан гаригт ээлжит бусаар хуралдаад Ерөнхийлөгчийн хоригийг 100 хувь хүлээн авах боломжгүй гэдэг шийдвэр гаргаад байсан ч одоо дахин хуралдах болсон нь өмнөх шийдвэрээсээ буцахад хүргэх вий гэдэг болгоомжлолыг дагуулаад байгаа.

Т.НОМИН 
 

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2017-10-31 66.181.191.61

Аль эрт ь тендер Хүрлээ нэртэй хүнийг сайд болгодог нь бусад нь эвлээрээд байх нь ёс зүйгүй хэрэг. 17 тэрбумыг найзын Аумори Интернэшнл нэртэй компанидп өгч бас дээр нь өчнөөн мөнгө идүүлээд улс хохироосон хүн. ОТ-н нисэх буудлыг хэд дахин өссөн үнээр барьсан талаар Ганхуяг гишүүн хэлж байсан зэрэг ашиг ийн төлөө хүн Сан хариуцаж болохгүй.

Avatar

Зочин 2017-10-31 49.0.212.110

Шахмал түлшний тендер ч үнэхээр гарамгай луйвар болсон шүү. Эрчим хүчнийхэн сайн мэддэг юм байна лээ.

Avatar

ИРГЭД 2017-10-31 122.201.31.78

ЕРӨНХИЙЛӨГЧИЙН ХОРИГЫГ ХҮЛЭЭЖ АВАХГҮ,АВАХ ШААРДЛАГАГҮЙ ГЭВЭЛ ТЭР УЛСУУД АРД ИРГЭДИЙНХЭЭ НҮҮРИЙГ ЯАЖ ХАРАНАДАА,З.ЭНХБОЛДООС БҮЛГИЙН ГИШҮҮД САЙН АСУУЖ ТАНИЛЦМААР ЮМ

NewsMN Гар утасны хувилбар Татах
NEWS.mn

Мэдээллийн эх сурвалж