Тусгай дуут дохиог хяналтгүй олгодог уу? | News.MN

Тусгай дуут дохиог хяналтгүй олгодог уу?

Хуучирсан мэдээ: 2017.10.31-нд нийтлэгдсэн

Тусгай дуут дохиог хяналтгүй олгодог уу?

Тусгай дуут дохиог хяналтгүй олгодог уу?

ЗЦА-наас хураасан тусгай дуут гэрлэн дохионууд...

Автомашинд тусгай дуут, гэрлэн дохио ашиглах зөвшөөрлийг Хууль зүй, дотоод хэргийн сайдын 2016 оны аравдугаар сарын 07-ны өдөр баталсан журмын дагуу Цагдаагийн ерөнхий газрын дарга олгох эрхтэй. Энэ журмын хүрээнд Цагдаагийн ерөнхий газрын Бүртгэл, хяналтын төв тусгай дуут гэрлэн дохио ашиглах эрхтэй байгууллага, дарга нарын бүрдүүлж ирсэн материал, машиныг шалгаж,  нэг жилийн хугацаатай зөвшөөрлийн бичиг өгдөг аж.

Гэтэл замын цагдаагийнхан 2-3 сар тутамд гэнэтийн шалгалт хийх болгондоо зөвшөөрөлгүй 50-100 ширхэг машины дуут болон гэрлэн дохио хурааж авдаг байна. Энэ жишгээр өчигдөр /2017.10.30/ гэнэтийн шалгалт хийхэд дараах газруудын нэр дээр бүртгэлтэй автомашинуудаас зөрчил илэрсэн юм. Үүнд: 

  • Шүүхийн шийдвэр гүйцэтгэх ерөнхий газар
  • Прокурор
  • Засгийн газрын хэрэгжүүлэгч агентлаг Биеийн тамир спортын газар
  • Улаанбаатар цахилгаан түгээх сүлжээ
  • Санхүүгийн зохицуулах хороо
  • Гаалийн ерөнхий газар
  • “Эрдэнэс Таван толгой” ХК багтаж байна. 

Шалгалтын үеэр нийт 60 машины дуут дохиог хураан авч, жолооч нарынх нь жолоодох эрхийг гурван сараар хасч, Зөрчлийн тухай хуулийн 14.7.16 дүгээр зүйлд зааснаар 100 мянган төгрөгөөр торгожээ.

Ингэж торгоод, дохиог хурааж авдаг ч тусгай дуут, гэрлэн дохио зүүсэн машины тоо цөөрдөггүй гэдгийг Замын цагдаагийнхан өөрсдөө ч хэлдэг.

Яагаад дохиоллын тоо цөөрөхгүй байна, хэн түүнийг олгож байна. Эсвэл зарж борлуулах сүлжий бий болсон уу? Иргэд, жолооч нарын тавьдаг эдгээр асуултад Цагдаагийн ерөнхий газрын Бүртгэл, хяналтын төвийн зөвшөөрөл хяналтын хэсгийн дарга Г.Амарсанаагаас тайлбар авлаа. 

ЦЕГ-ын Бүртгэл хяналтын төвийн зөвшөөрөл хяналтын хэсгийн дарга Г.АМАРСАНАА

Тэрбээр зөвшөөрөлтэй, зөвшөөрөлгүй тусгай дуут, гэрлэн дохио зүүсэн машины тоо нэмэгдсэн нь цагдаатай бус худалдаачидтай холбоотой гэв. Автомашины сэлбэг борлуулдаг зах, худалдааны  төвүүдэд тусгай дуут, гэрлэн дохиог ямар ч хяналтгүйгээр зардаг. Энэ тухайгаа худалдаачид “Ашигаа бодоод зөвшөөрөлтэй эсэхийг нь харгалзахгүйгээр авъя гэсэн хүн болгонд шууд зардаг” гэж цагдаа нарт тайлбарладаг аж. Худалдаанд хяналт байхгүй учраас зөвшөөрөлгүйгээр дуут, гэрэл дохио машиндаа суурилуулах нь нэмэгдсэн гэж тэрбээр тайлбарлав. Энэ зөрчлийг арилгахын тулд Цагдаагийн ерөнхий газрын Бүртгэл, хяналтын төвөөс дуут болон гэрлэн дохио худалддаг, хилээр оруулж ирдэг аж ахуйн нэгж, иргэдэд хяналт тавих эрх зүйн зохицуулалтыг боловсруулж эхэлжээ. 

Харамсалтай нь, иргэд гэхээсээ илүү хууль хэрэгжүүлэх үүрэгтэй төрийн байгууллагууд ихэвчлэн зөвшөөрөл авахгүйгээр зах, худалдааны төвүүдэд зардаг гэрэл дохиог автомашиндаа суурилуулж байгаа нь хамгийн их анхаарал татаж буй.  Хариуцлагыг нь зөвхөн жолооч үүрээд өнгөрөх ёстой юу гэсэн асуулт энд яригдана. 

Тусгай дуут, гэрлэн дохиог өөрийн нэр дээр бүртгэлтэй тээврийн хэрэгсэлдээ ашиглах эрхтэй байгууллагууд Цагдаагийн ерөнхий газрын Бүртгэл хяналтын төвөөс зөвшөөрөл хүсэхдээ дараах материалуудыг бүрдүүлэх шаардлагатай. Үүнд, 

  • Байгууллага, албан тушаалтны албан хүсэлт,
  • Тээврийн хэрэгслийн гэрчилгээний болон жолоочийн үнэмлэхний хуулбар,
  • Тээврийн хэрэгслийн бичиглэлийг ‘Тээврийн хэрэгсэлд ашиглах тусгай дуут болон гэрлэн дохио’ МNS4979:2016 стандартын дагуу хийсэн эсэхийг харуулсан болон тээврийн хэрэгслийг бүхэлд нь харуулсан фото зураг /Лед буюу туузан гэрлийг Монгол Улс ашиглахыг зөвшөөрөөгүй байна/.

Техник үйлчилгээний болон харуул хамгаалалтын албад дараах материалыг нэмж бүрдүүлнэ. Тодруулбал, 

  • Үйл ажиллагаа эрхлэх тусгай зөвшөөрлийн хуулбар,
  • Байгууллагын улсын бүртгэлийн гэрчилгээний хуулбар,
  • Монгол Улсын Замын хөдөлгөөний дүрмийн хоёрдугаар бүлгийн 2.4 дэх заалтыг жолоочид танилцуулсан баримт,
  • Тээврийн хэрэгслийн торгуулийг www.torguuli.mn сайтаас магадлан шалгаж, торгууль бичигдсэн тохиолдолд заавал төлж барагдуулсан байх юм. 
     

ТЭЭВРИЙН ХЭРЭГСЭЛД ТУСГАЙ ДУУТ, ГЭРЛЭн ДОХИО ХЭРЭГЛЭХ ЖУРАМ
 

Гэрэл зургийг Н.БАТМӨНХ

 

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-10-31 103.14.36.18

Зөвшөөрөл олгосон холбогдох удирдлагуудыг халаачээ.

Avatar

Ene ooroo zarj bga shu 2017-10-31 27.123.214.121

Ene nohor aygui bol ooroo tusgai duut dohionii zovshoorol zardag bh vii dee. Ednii ajiltnuud bol dugaariin hyazgaarlalt enee teree gsn yumgui shuud l zamiin hodolgoond oroltsdog l yum bn lee tegeer ed nart no bii shuu. Bugdiig ni shineer soliod irsen humuus ni jurmaa batiad ajilla.

Avatar

Зочин 2017-10-31 202.9.43.208

Бисдаа энэ дугаарын хязгаарлалт 1 р эгнээ чинь дарга нарыг дураараа зорчуулах гэж омхийй лалрын хийсэн ажил байшд бугд маякиай болцон дураараа явжийшд

Avatar

Зочин 2017-10-31 43.228.131.110

[Хориотой Үг] минь тэгээд 1 р эгнээгээр яваач тэнэг юмуу чи эсвэл хөдөөний юмуу

Avatar

Зочин 2017-10-31 66.181.176.124

Прокурор, АТГ, гадаадын иргэд харьяатын албанд тусгай дохио хэрэггүй шдээ!!!

Avatar

Зочин 2017-10-31 103.26.194.166

Хэзээ зөвшөөрөлтэй худалдаж байсан юм.

Avatar

Зочин 2017-10-31 182.160.33.8

Худалдаж байгаа хүн нь зөвшөөрлийг нь зарах биш шалгах ёстой гэж байна.

Avatar

зочин 2017-10-31 66.181.189.92

ХӨДӨЛГӨӨНД ОРОЛЦОЖ БАЙГАА ДИЙЛЭНХИ МАШИНУУДЫН ЦОНХ ХАР ӨНГИЙН ШИЛТЭЙ, ЭСХҮЛ
ХАРАНХУЙЛСАН, ДАЛДАЛСАН ӨНГӨТЭЙ БАЙГААГ ЗАМЫН ЦАГДАА ШАЛГАЖ БОЛОХГҮЙ ЮҮ?
ИЙМ ХАРАНХУЙЛСАН ЦОНХЫГ БҮХ МАШИНУУДАД ЗӨВШӨӨРДӨГ ҮҮ?
ИЙМ ЦОНХНЫ ЦААНА ХҮНИЙ НАЙМАА, ХУЛГАЙ, ДЭЭРЭМ, ОРГОЛТ ГЭЭД БОЛОХГҮЙ БҮХЭН ХАРАНХУЙЛАГДАХ ЮМ БИШҮҮ? ИЙМ МАШИНУУДЫГ ШАЛГАЖ БОЛОХГҮЙ ЮҮ?
ЭСХҮЛ ЗАМЫН ЦАГДААД ОГТ ПАДЛИЙГҮЙ ЮҮ?

Avatar

Зочин 2017-10-31 66.181.176.124

ЯГ ҮНЭН !!!! Манайхаас бусад улсад машины цонхонд хар хальс наахыг хуулиар хориглодог!!! Манайхтай ижил төстэй нийгэм бүхий СНГ-ийн орнууд бүгд!!! Хар шилний цаана хүн яваа юм уу, сармагчин яваа юм уу гэдгийг мэдэх боломжгүй!!!!

Avatar

Zochin 2017-10-31 202.179.30.194

Dyrem, juram zurchij zuvshuurul olgood baigaa khyn deer n' arga khemjee avaad, khalaad torgood l yavchikhaaj. Shiidej bolokhgyi asuudal bish sh dee. Khaa saigyi khariutslaga gej yum baikhgyi bolsontoi l kholbootoi sh dee. Khuuli dyrem jurmaa murddug, khariutslaga tootsdog bol yu gej iim baikh ve dee. Tsaanaa bas neg dargiin gerel oruulj irekh business ch bgaa daa. KHARIUTSLAGA, KHARIUTSLAGA BAS DAKHIN KHARIUTSLAGA KHEREGTEI BNA DAA MONGOL ULSAD.

NewsMN Гар утасны хувилбар Татах
NEWS.mn

Мэдээллийн эх сурвалж