Хоносон хуушуур худалдаалж байна | News.MN

Хоносон хуушуур худалдаалж байна

Хуучирсан мэдээ: 2017.10.31-нд нийтлэгдсэн

Хоносон хуушуур худалдаалж байна

Хоносон хуушуур худалдаалж байна

Хураасан хүнсний бүтээгдэхүүнүүд..

Нийслэлийн Баянзүрх дүүргийн Мэргэжлийн хяналтын хэлтсийн байцаагч нар дүүргийнхээ Түргэн үйлчилгээний 126 цэгт /ТҮЦ/ өчигдөр /2017.10.30/ гэнэтийн шалгалт хийжээ. Шалгалтад ихэвчлэн сургуулийн ойр орчим, авто зам дагуу байрших ТҮЦ хамрагдсан байна. Шалгалтаар хадгалах хугацаа нь дууссан, мөн 1-3 хоносон, транс тос ихээр агуулсан торт, гурилан бүтээгдэхүүн, хуушуур, бууз, пирошки, чанасан өндөг, ороомог, кимбаб, зайдас зэргийг илрүүлж, устгахаар хураан авсан байна.

Үүнээс гадна шалгалтад хамрагдсан 126 ТҮЦ-ийн зөвхөн долоо нь худалдаа эрхлэх зөвшөөрөлтэй бусад нь зөвшөөрөлгүй байжээ. Мөн эрхлэн ажиллуулж буй хүмүүсийн 90 орчим нь 2-3 иргэн дамжсан түрээсийн үндсэн дээр ажиллаж байсан нь тогтоогджээ.

БЗД дэх Мэргэжлийн хяналтын хэлтсийн улсын ахлах байцаагч Д.ЦЭНДСҮРЭН

Шалгалтын явцад зөвшөөрөлгүй цэгт тамхийг хайрцгаар болон ширхэглэж борлуулдаг зөрчил нийтлэг илэрчээ. 1.3 сая төгрөгийн өртөг бүхий 375 ширхэг тамхийг хурааж, улсын орлого болгожээ. Хууль зөрчиж, эрсдэлт худалдаа эрхэлсэн иргэн, аж ахуйн нэгжид нийт хоёр сая төгрөгийн торгууль тавьсан талаар Баянзүрх дүүрэг дэх Мэргэжлийн хяналтын хэлтсийн улсын ахлах байцаагч  Д.Цэндсүрэн тайлбарлав.

Тэрбээр “Олон хонож, муудсан гэдэс хямраах үйлдвэрлэгч нь тодорхойгүй, баталгаагүй хүнсний бүтээгдэхүүнийг оюутан, сурагчид голдуу авч иддэг. Эдгээр бүтээгдэхүүнийг ТҮЦ ажиллуулдаг иргэд эрүүл ахуйн шаардлага хангахгүй орчин нөхцөлд худалдаалж, борлуулж байгааг анхаарах хэрэгтэй’ хэмээн ярилаа. 

Гэрэл зургийг Н.БАТМӨНХ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2017-10-31 103.229.121.238

БЗД-ийн Мэргэжлийн хяналтын хэлтсийнхэнд баярлалаа.ТҮЦ бүгдийг болиулаачээ гудамж замд бөөн бөөгнөрсөн стандартын бус бүтээгдэхүүн зараад хүний эрүүл мэндээр тоглуулж аягүй бол хүний аминд хүрнэ шүү.Олон хавар нэгэндээ гэж энэ хотод эзэн байна уу нэгэнт ажил хариуцсан бол эзэн шиг шийдвэр гаргаж зохицуулаачээ тэртэй тэргүй супермаркет нэг үеэ бодоход олон болсон ядахдаа тэнд стандартын дагуу хадгалах хөргөгч орчин байгаа ТҮЦ-д ажиллаж байгаа хүмүүсийг ажлын байраар хангаад шийдэл дээ.СЭТГЭЛ дутаад байна хотын удирдлагад ажиллаж байгаа хүмүүст.

Avatar

Зочин 2017-10-31 27.123.214.105

Хэний гавъяа гэдэг түцнүүд л байгаа шд. төрөөс дэмжсэн юм шиг л гэнэт баахан түцтэй болсондоо 2013 оноос хойш. Одоо энэ дунд сургуулийн дунд болон ахлах ангийнханд цай хоол өгдөг болмоор л байна. аав ээж гэр орныхонд нь найдаад орхиод байвал улс залуу үе хүүхэд багачуудаа л тэр хэрээрээ хохирооно. Аав ээж нь үржилд орж хүссэн хүсээгүй тэжээж чадах чадахгүй гэж ярих нь онц сонин биш. Бид хүүхэд залуучуудынхаа бие эрүүл мэнд тархи оюуны ачаалалд таарсан чанартай хоол хүнсээр хангаж чаддаггүй юмаа гэхэд ганц аяга чихэртэй цай ганц ширхэг юу ч байдын өгүүл хүүхдийн өлөн ходоод халуу шатах нь багасч тархи толгой нь ч оюуны ачааллаа дааж юм хүлээж авах нь илүү болж улсаас гаргаж буй боловсролын системийн нүсэр зардал илүү их үр дүнд хүрэхэд тустай л гэж бодож байна. Өлсдөггүй байтлаа хүйтэн хуушуур ороомог пирошги наполеон зажлах уу. Гэртээ оройн хоолтой залгатал хоол хүнснээсээ авч байгаа бүхэл өдрийн ганц шим тэжээл тэр л байгаа байх. төр нэг юм бодож эхлэх л хэрэгтэй. За тэр зайсангын айлын хүүхдүүдэд бол хэрэггүй л дээ. Хэдэн кофе шоп кфс энэ тэрд бол бараг амьдардийн байх ч билээ. 3-4 жаахан сурагч охин нэг кофе шоп ч юм уу хоолны газарт тэгээл гэртээ буйдан дээрээ байгаа юм шиг унтах нь унтаад утасаа оролдох нь оролдоод хичээлээ хийх нь хийгээл өнжихийн билээ. Тэр эргэн тойронд нь түц элбэг байгаа сургуулийн дэргэд хоосон ходоод байгааг анзаараал ийм үйлчилгээ дэлгэрээд байгаа хэрэг.

Avatar

Зочин 2017-10-31 202.21.106.134

Өр өвдмөөр юм аа,

Avatar

Зочин 2017-10-31 182.160.36.181

ТҮЦ зарсан тэр батүүл [Хориотой Үг] баттулга хоёрыг баривчил.

Avatar

Зочин 2017-10-31 66.181.176.124

Бат-Үүл зараагүй, харин хотын захиргаа нэгдсэн журманд оруулсан юм!!!

Avatar

Зочин 2017-10-31 183.81.171.150

Офицер 14 р сургуулийн орчмын ТҮЦ дэлгүүрүүд хирээс хэтэрч байна. Нэг л өдөр хүүхэд хохирогч нь болно. 13-р хорооноос БЗ Дүүргийн ИТХ -д сонгогдсон Ч. Цэвэгмид та хотын захиргаанд байдаг авгайгаараа дулдуйдхгүй өөрийнхөө ах дүү нарын ТҮЦ, дэлгүүрүүдээ зайлуулна уу. ИТХ болон тэр авгайгийнх нв байгууллагат энэ хавийнхан цөм нийлээд хандах хэрэгтэй.

Avatar

Зочин 2017-10-31 66.181.176.150

Hudlaa shalgasan bolood orhiod bh yum…shuud haaldaa..mash olon huuhduud eruul mendeeree hohirood bn sh te…iim buduuleg uilchilgee 21-r zuund bj bolohgui biz dee

NewsMN Гар утасны хувилбар Татах
NEWS.mn

Мэдээллийн эх сурвалж