УИХ-ын хаврын ээлжит чуулганы үйл ажиллагааг маргааш өндөрлүүлэхээр төлөвлөж Тамгын газрынхан бэлтгэл ажилдаа орж байна. Юуны өмнө УИХ-ын даргын зөвлөхүүд Д.Дэмбэрэл даргын чуулганы хаалт дээр хэлэх үгийн эхийг бэлтгэх ажилд оржээ. Харин техникийн ажилтнууд төрийн дуулал эгшиглүүлэхээс эхлээд санал хураалтын системийг доголдолгүй ажиллуулах бүх бэлтгэл ажлаа базааж эхэллээ. Гэвч өнөөдөр хуралдах ёстой байнгын хороодын гишүүд өдийг хүртэл цуглараагүй, төлөвлөсөн нэгдсэн хуралдаан хойшилсон зэргээс харвал маргааш чуулган өндөрлөх нь эргэлзээтэй байж болохоор байна.