Италийн Турин хотноо байт харвааны дэлхийн аварга шалгаруулах тэмцээнд оролцож буй Монголын баг тамирчдын цорын ганц найдвар болоод буй Ж.Гантөгс дөнгөж саяхан ээлжит “тулаандаа” ялалт байгуулснаар шөвгийн 16-д шалгарлаа. Өчигдөр эхэлсэн recurve төрлийн хувийн харваанд эрэгтэйчүүдийн төрөлд Ж.Гантөгс Ирланд болон Польшийн харваарчдыг ялснаар шилдэг 32-т шалгараад байсан юм. Тэгвэл өнөөдөр тэрбээр гуравдугаар шатанд Японы тамирчин Хидеки Кикүчиг 7:3 харьцаатай хожсоноор наймны нэг шигшээд шалгарлаа. Одоо тэрбээр Канадын тамирчин Жейсон Льонтой өрсөлдөх бөгөөд ялсан тохиолдолд Лондон-2012 олимпийн наадамд оролцох эрхээ авах юм.