УИХ-ын дарга Д.Дэмбэрэлтэй  МАН-ын дарга С.Батболд, Ардчилсан намын дарга Н.Алтанхуяг нар сая уулзлаа. Сонгуулийн хуулийн зөвшилцлийн ажлын хэсгийн явц байдал, байнгын хороодын үйл ажиллагаа зэргийн талаар санал солилцож хаврын чуулганыг маргааш завсарлуулах боломжийн талаар ярилцжээ.

Намрын чуулганаар хэлэлцэх асуудлын дараалал, төсвийн хүрээний мэдэгдэл, үндсэн чиглэл зэргийг өнөөдөр байнгын хороод, маргааш чуулганы нэгдсэн хуралдаанаар хэлэлцэх боломж ямар байгаа талаар тэд ярилцсан байна. Шахаж ажиллавал маргааш чуулганыг өндөрлүүлж болно гэж талууд үзэж байгаа аж.

Харин маргаан дагуулсан Сонгуулийн хуулийг намрын чуулганы эхэнд хэлэлцэхээр хойшлуулах бололтой.