Дуучин Жессика Симпсон үнэртний зах зээлд хөл тавьснаар чамгүй хугацаа өнгөрч хэдийнэ хэрэглэгчдийн танил болсон билээ. Тэрбээр өөрийн брэндийн хэд хэдэн цуврал сүрчгийг худалдаанд гаргасан бөгөөд энэ удаа залуусыг хайрын баланд ухаан баларттал дурлуулах шидтэй шинэхэн үнэртнээ бэлэн болгосон байна. Симпсон шинэхэн сүрчгээ “I Fancy You” буюу “Чамайг өөртөө дурлуулна” хэмээн нэрлэжээ. 

“I Fancy You” нь Симпсоны “Fancy” коллекцийн дөрөв дэх буюу хамгийн сүүлийн сүрчиг бөгөөд энэ коллекцийн хамгийн тансаг анхилуун үнэртэн болж чадсан гэж дуучин бүсгүй онцолжээ. “I Fancy You”  сүрчгийн хандыг “MANE”-ийн сүрчиг хийгч Сициль Хуа найруулсан бөгөөд уг сүрчиг нь тоор, фүжи алим, бергамот жүржийн жимслэг зөөлөн үнэртэй аж. Харин Симпсон өөрөө сүрчгийн шилний дизайныг гаргаж, усан цэнхэр суурин дээр бяцхан зүрхнүүдийг сийлж урласан байна.