Тусгаар Монгол Улсын түү­хэн соёлыг бадрааж, тоонотоо ерөөсөн түмний найрсаг сэтгэлийг догдлуулсан улсын наадмын мэнд хүргэе. Үйл мэтгэх бүсгүйчүүд наад­мын гоёл урлаж, үүрсэх морьдын төвөргөөн уяачдын сэтгэлийг догд­луулах энэ л үесээр монголчууд булт олноороо наадмын бэлтгэлд гарсан нь дамжиггүй. Өнгөтэй бүхнээ дэлгэж, өөдсийн чинээ үрсээс эхлээд өтөл буурай нар ч ганган хувцсаа өмсөж, газрын холоос ч наадмын дэвжээг зорин, зорин хоног тоолсоор буй. Жил, жилийн наадмаар монголчууд бид хэний хүлэг хурдан байж, хэний хүү хүчтэй байсныг шагшин магтсаар намрын эхэн сартай учран золгох нь бий.

Энэ л өдрүүдэд бүх зүйл яг л нар мэт…Найрсаг зон олон өөр зуураа наадмын мэнд дэвшүүлж, өөдрөг үйл­сийн тухай ярьж хэлэлцэх нь амьдрал хэчнээн сайхан болохыг харуулна. Хэзээ ч мартагдашгүй тэр жи­лийн наадмын тухай өөр зуураа хууч дэлгэж, бяцхан үрсийн баярлах сэт­гэлийг инээмсэглэлээр зурах нь наадмын энэ л өдрүүдийн утга учир биз ээ.

Иймд уншигч танд тулгар төр бай­гуулагдсаны 2220 жил, Их Монгол Улс байгуулагдсаны 805 жил, Ардын хувьсгалын 90 жилийн ойн баярын мэнд хүргэе. Хотол түмнээрээ сайхан наадаарай.