"Буянт-Ухаа" спортын ордонд болж буй жүдо бөхийн "Чингис хаан" гранпри тэмцээн өнөөдөр эрэгтэйчүүдийн 60, 66, эмэгтэйчүүдийн 48, 52, 57 кг-ын жингийн барилдаанаар эхэллээ. 

Эмэгтэй 48 кг-ын жинд Монгол, Япон, БНХАУ, ОХУ, Киргизстан, Казахстан улсын нийт 9 жүдоч өрсөлдөж байгаагаас хагас шигшээд Монголын гурав, Казахстаны нэг тамирчин үлдээд байсан. Тэгвэл М.Уранцэцэг М.Долгоржавыг, Казахстаны нэрийн өмнөөс барилдаж буй Г.Отгонцэцэг Б.Хорлоог хожиж, аваргын төлөө барилдахаар үлдлээ. Дэлхийн чансааг тэргүүлэгч М.Уранцэцэг, наймд бичигдэж буй Г.Отгонцэцэг нарын хувьд ийнхүү Улаанбаатарын татамид дахин таарлаа. Манай хоёр бөхийн хувьд энэ онд гурван удаа таарахад Г.Отгонцэцэг хожоод байгаа юм. 

Шигшээ барилдаан 16.00 цагаас эхэлнэ. Тэмцээнийг МҮОНРТ болон www.facebook.com/ijudo/?fref=ts хуудсаар шууд дамжуулан үзүүлж байна. 

Холбоотой линк: 

• https://www.facebook.com/ijudo
• http://www.ippon.org,
• https://www.judobase.org
• http://judolive01.lb.judobase.org/live/

Photo by tumenbayar.amartaivan

Ч.БОЛОР