12 цагийн байдлаар нийслэлийн 164 449 сонгогч буюу нийт сонгогчдын 18.20 хувь нь саналаа өгчээ

Нийслэлийн Сонгуулийн хорооноос санал хураалтын ирц, явцын талаар мэдээлэл өглөө.
Нийслэлийн Иргэдийн Төлөөлөгчдийн хурлын 2016 оны ээлжит сонгуульд 10 нам, 2 эвслээс нэр дэвшигч 282, 4 бие даагч нийт 286 нэр дэвшигч оролцож байна. Нийслэлийн 9 дүүргийн 397 санал авах байранд 3966 төрийн албан хаагч сонгуулийн ажлыг зохион байгуулж байгаа юм. Нийт санал авах байруудын дотор болон гадна санал хураалтын үйл ажиллагааг хянах камеруудыг байрлуулсан бөгөөд нийт санал авах байрны 30 хувьд нь цахилгааны эх үүсвэрээр хангасан.
Өчигдөр орой орсон хүчтэй борооны улмаас Багануур дүүрэгт нэг санал авах байр усанд автсан бөгөөд санал авах байрыг ойролцоох байранд шилжүүлж ажиллав. Одоогийн байдлаар санал авах ажил хэвийн явж байна.

2016 оны 06 сарын 28-ны өдрийн 09:00 – 20:00 цагийн хооронд нийт 4691 иргэнээс зөөврийн битүүмжилсэн хайрцгаар санал авахаас 4412 сонгогчийн саналыг авсан байна. Үүнд:

№	Дүүрэг	Зөөврийн битүүмжилсэн хайрцгаар саналаа өгөх хүсэлт гаргасан сонгогчдын тоо	Саналаа өгсөн сонгогчдын тоо
№	Дүүрэг		Тоо	хувь
1	Баянгол	779	749	96.14%
2	Баянзүрх	995	946	95.07%
3	Багануур	175	170	97.70%
4	Баганхангай	26	24	92.30%
5	Налайх	208	192	92.30%
6	Сүхбаатар	413	390	94.43%
7	Чингэлтэй	604	575	93.04%
8	Хан-Уул	490	468	95.51%
9	Сонгинохайрхан	988	898	90.89%
	Нийт	4 678	4 412	94.33%

Өнөө өглөө 07:00 цагаас сонгуулийн санал хураалт эхэлсэн. Нийслэлийн хэмжээнд 397 санал авах байр бэлтгэл ажлаа бүрэн хангаж одоогийн байдлаар санал хураалт хэвийн, ямар нэгэн ноцтой зөрчилгүй явагдаж байна. Нийслэлд сонгогчдын нэрсийн жагсаалтад бичигдсэн нийт 903420 сонгогч байгаагаас 12 цагийн байдлаар 164 449 сонгогч буюу нийт сонгогчдын 18.20 хувь нь саналаа өгөөд байна. Үүнд:

№	Дүүрэг	Нийт сонгогчдын тоо	Саналаа өгсөн сонгогчдын тоо
№	Дүүрэг	Нийт сонгогчдын тоо	Тоо	Хувь
1	Баянгол	137 394	28 121	20.47%
2	Баянзүрх	220 923	38 186	17.28%
3	Багануур	19 443	2 498	13.44%
4	Баганхангай	2 679	807	30.12%
5	Налайх	22 845	4 952	21.68%
6	Сүхбаатар	96 265	13 501	14.02%
7	Чингэлтэй	102817	17 653	17.17%
8	Хан-Уул	95 541	17 984	18.82%
9	Сонгинохайрхан	205 513	40 747	19.83%
	Нийт	903420	164 449	18.20%