БНСУ-ын Инчон хотноо аэробик, гимнастикийн насанд хүрэгчдийн 18, өсвөр үеийнхний 7 дахь удаагийн ДАШТ үргэлжлэн явагдаж байна. Тэмцээний насанд хүрэгчдийн "Aerobic step" төрлийн урьдчилсан шатнаас Монголын баг 17850 оноогоор гуравдугаар байраар шигшээд шалгарлаа. Франц 18.025, БНХАУ-ын баг 18.000 оноогоор тэргүүлж эхэлсэн бол ОХУ, Унгар, БНСУ, Украин, Испанийн  17.800-17.000 оноог авчээ.

Монголын багийн бүрэлдэхүүнд Э.Мөнхнасан, Б.Хаштайш, О.Содгэрэл, А.Энхпүрэв, Б.Баясгалан, Ч.Золбоо, Э.Ананд, Ө.Тэмүүлэн нар багтаж буй. Шигшээ тоглолт маргааш болно.

Ч.БОЛ