“Aero mongolia” компанийн Хөх хот-Улаанбаатарын чиглэлийн өнөөдрийн 14.00 цагийн нислэг хачирхалтай шалтгаанаар саатжээ. Зорчигчид нислэгийн компанид хандсан ч дорвитой хариу авч чадахгүй өдий хүрээд байна.  “Aero mongolia” компанийнхныг ямар шалтгаанаар нислэг хойшилсныг үйлчлүүлэгчдэд тайлбарлахгүй байгаад бухимдсан иргэд манай сайтад хандлаа.

1980 дугаарын  нислэгийн лавлах утасны операторын хэлснээр Өмнөговь аймгийн Ханбогд сумаас /”Оюутолгой” компаниас/  өнөөдөр өглөө 09.45 цагт Улаанбаатарт ирж газардах байсан онгоц Өмнөговиос ирээгүй тул ийн Хөх хотын нислэг ийн хойшилсон байна /Өмнөговиос ирсэн онгоцоор Хөх хот руу нислэг үйлдэх байсан/. Гэтэл “Aero mongolia” компани өөрсдийн вэб сайтдаа “Оюу толгой”-гоос ирэх ёстой онгоц 09.45 цагт Улаанбаатарт газардаж, Хөх хот руу ниссэн” гэсэн ташаа мэдээлэл нийтэлсэн байгаа нь иргэдийг нэлээд бухимдуулж байна.