Dead Island хэмээх эвгүйхэн нэртэй нэгэн видео тоглоом тун удахгүй зах зээлд гарч эхэлнэ. Тодруулбал ирэх есдүгээр сарын 6 болон 9-нд Хойд Америк болон Ази Номхон дайлан орнуудад нээлтээ хийх юм. Өнгөрсөн зургадугаар сарын эхээр болсон E3-ийн үеэр хүмүүст нэлээн эерэг сэтгэгдэл төрүүлж амжсан энэ тоглоомтой холбоотой нэгэн сенсаци дэгдэж эхэллээ. Учир нь тус тоглоомын хөгжүүлэгчээр ажиллаж буй Techland нь зах зээлд борлуулах Deep silver компанитай үл ойлголцох байдалд хүрсэн тул тоглоомын нээлт хийх хугацаа хойшлогдож магадгүй хэмээжээ. Open world horror action adventure хэмээх урт гуншинтай жанраар бүтээгдэж буй аймшгийн төрлийн энэхүү тоглоом энэ жилийн сүүлээр нээлтээ хийх томоохон тоглоомуудын нэгд багтаад байсан юм. Зах зээлд нэлээд хүлээлт үүсгээд амжсан тус тоглоом ийнхүү IGN болон 1UP зэрэг видео ертөнцийн мэдээллийг түгээгч сайтуудад нийтлэгдсэнээр ийнхүү нээлтээ хийх нь хойшлогдвол нэлээдгүй олон фэнүүдээ алдах болно. Энэ талаар одоохондоо тус компаниудын зүгээс албан ёсны тайлбар хийгээгүй ч бас үгүйсгэсэн мэдэгдэл ч алга байна.

Видеог ЭНД дарж үзнэ үү.