Зургадугаар сарын 7-ноор төгсөл болсон долоо хоногийн дотор АНУ-ын нефтийн арилжааны нөөцийн хэмжээ нь шууд 3,2 сая баррелиар багаслаа гэж Эрчим хүчний мэдээллийн агентлаг (EIA) мээлснийг CNBC телевиз дамжуулав. Мэргэжилтнүүд нөөцийн хэмжээг 2,7 саяар хорогдоно гэж дүгнэснээс уг тоо хамаагүй дээгүүр гарлаа.

Үний зэрэгцээ харин нефтийн бүтээгдэхүүний нөөц нь мэдэгдэхүйцээр өссөн байна. Тухайлбал бензиний нөөц сая баррелиар, дизелийн түлш ба мазутын хэмжээ 2,8 сая баррелиар нэмэгджээ.

Сүүлийн 15 долоо хоногийн дотор анх удаагаа Америкийн нефтийн олборлолт нэмэгдсэн байна. Шууд 100 мянган баррелиар нэмэгдсэн олборлолт өлөртөө 8,75 сая баррельд хүрчээ.

Эдгээр мэдээний дараа Brent маркийн нефтийн үнэ Лондоны ICE бирж дээр 1,4 хувиар нэмэгдэн, урт хугацааны дараа анх удаагаа торх нефтийн үнэ 52 ам.доллараас дээш гарлаа. Мөн үнэ өсөхөд Хятадын нефтийн импорт нэмэгдсэн нь нөлөөлсөн байна. Сүүлийн таван долоо хоногийн дотор Америк валютын бусад мөнгөтэй харьцуулсан ханш доошилжээ.

Тавдугаар сарын 15-нд Goldman Sachs банк нефтийн нэг баррелийн үнэ жилийн дундажаар 45 ам.доллар хүрнэ гэж дүгнэсэн байв. Өөрийн ээлжид Citigroup дүгнэхдээ, гуравдугаар улиралд 50 доллар хүрээд ирэх жилд 65 доллар хүртэл өснө гэсэн байлаа.

Нефтийн үнэ нэмэгдсний улмаас Оросын рубль чангарч байна. Доллар одоо 64,38 рубль (хасах 32 копейка), евро —73,20 (хасах 23 копейка) болон арилжигдаж байна.

Бэлтгэсэн Ш.МЯГМАР