“Forbes” сэтгүүл Холливуудын хамгийн их орлоготой жүжигчдийг нэрлэсэн байна. Жагсаалтыг жүжигчин Анжелина Жоли, Сара Жессика Паркер нар тэргүүлж байгаа гэнэ. Анжелина Жоли, Сара Жессика Паркер нарын жилийн орлого  30 сая ам.доллар ажээ. Харин Женнифер Анистон, Рийз Витерспүүн нар 27 сая ам.долларын ашигтайгаар жагсаалтыг удаалсан байна. Жүжигчин Анжелина Жолигийн гол дүрд нь тоглосон “Солт”, “Жуулчин” зэрэг кино дангаараа 280-300 сая ам.долларын ашиг олсон гэдэг. Харин  дэлгэцэнд гарсан цагаасаа шүүмжлэл дагуулж буй “Sex and the City” кино “box office”-т 290 ам.долларын ашиг олж тэргүүлж байсан юм. Харин Холливуудын “хөөрхөн хүүхэн” Жулиа Робертс 20 сая ам.долларын орлоготойгоор “Twilight”-ийн од Кристен Стьюарттай эн зэрэгцэж байгаа гэнэ. Жулиа Робертсын өнгөрсөн жил гол дүрд нь тоглосон “Ид, залбир,хайрла” кино 205 сая ам.долларын ашигтайгаар “box office”-д тэргүүлж байсан билээ. 32 сая ам.долларын орлоготойгоор  жүжигчин Камерон Диаз, 15 сая ам.долларын орлого олсон Сандра Баллок, гайхамшигт Мерид Стрип нар жагсаалтын эхний аравт бичигдсэн байна.