Үндэсний их баяр наадмын тасалбарыг өчигдрөөс  худалдаалж  эхэлжээ. Тасалбарыг “Соёлын төв өргөө” болон “Бөхийн өргөө”-ний кассаар худалдаалж байна. Төв цэнгэлдэх хүрээлэн 12 мян­га 680 хүний суудалтай. Эдгээр суудлын 50 хувийг сүүдрэвчтэй хэсэг эзэлдэг. Энэ жилийн наадмын тасалбар сүүдрэвчтэй хэсгийнх нь 24 мянган төгрөгийн үнэтэй байгаа бол сүүдрэвчгүй талын тасалбар 13-15 мянган төгрөг байх ажээ. Жилийн жилд тасалбар авсан хэрнээ наадмын нээлтийг үзэж чадахгүй  үлдэх тохиол­дол гардаг. Энэ байдлыг давтахгүйн тулд энэ жилээс бүх суудлыг дугаарласан байгаа. Дашрамд дуулгахад, энэ жил Төв цэнгэлдэхэд наадам үзэхээр ирсэн 5-аас дээш насны хүүхдүүдийг заавал тасалбартай байхыг шаардаж байгаа бөгөөд хүүхдүүд том хүнтэй адил буюу 13-24 мянган төгрөгөөр тасалбар авах шаардлагатай юм.