Төрт ёсны олон ойг нэг дор тэмдэглэхээр зэхэж буй энэ өдрүүдэд гадаад дотоодын олон зочин Төрийн ордонд зочилж байна. Төрийн ордныхон ч коридорынхоо хивсийг шинэчилж, цоо шинэ улаан хүрэн хивс дэвсчээ. Социализмын үеийн шахам улаан хивс, ардчилал хөгжсөнөөс хойш тийм их удалгүй дэвссэн шар хивснүүд он цагийн эрхээр захаасаа сэмэрч эхлээд байсан юм. Баяр наадмын өмнөхөн зарим коридорын хивсийг сольж, өнгө зүсээ тордож эхэллээ.