АНУ-ын Майами хотод болсон “Дэлхийн цом”-ын тэмцээнд Монгол Улсын хөдөлмөрийн баатар, дэлхийн аварга жүдоч Х.Цагаанбаатар түрүүлж Биеийн тамир, спортын салбарын 90 жилийн ойдоо бэлэг барилаа. Түүнээс долоо хоногийн өмнө Бразилийн Сан-Паулуд тэрээр мөн мөнгөн медаль зүүсэн билээ. Цагаанбаатарын хувьд дэлхийн дэвжээнд гялалзтал барилдаж, медаль хүртэх нь жирийн хэрэг мэт бид санадаг боловч энэ удаа жин өгсөн 73 кг-д “баавгайчилж” явааг болгооно биз. Тэрээр уг тэмцээний дараа АНУ-д суух монголчуудын наадамд зодог, шуудаг өмсөн зодоглож, түрүүлсэн байна. Түүнийг Дорноговь аймгийн наадамд түрүүлэн аймгийн арслан цол хүртэж байсныг санаж байгаа биз ээ. Алхам бүртээ алдраа дуудуулсаар яваа тэрээр Америк тивээс түрүү, нэг аман хүзүүтэй эх орондоо иржээ.