Занабазарын нэрэмжит Дүрслэх урлагийн музейд долдугаар сарын 7-нд “Урлагтай амьдрал” уран зургийн үзэсгэлэн, худалдаа нээлтээ хийх гэж байна. “New century-Art” assocation зохион байгуулж буй эл үзэсгэлэн худалдаанд Монголын урчуудын эвлэлийн гишүүн, “Яруу сэтгэгч” сэтгэлгээний урлангийн зураач В.Ундраа, Шинэ Үе Урлаг” нийгэмлэгийн тэргүүн Л.Энхбат, ”Шинэ Үе Урлаг” нийгэмлэгийн удирдах зөвлөлийн гишүүн Н.Амарсайхан, Чөлөөт уран бүтээлч Р.Чинзориг нар оролцож байгаа юм. Тус үзэсгэлэн долдугаар сарын 14 хүртэл үргэлжлэх /үнэ төлбөргүй/ бөгөөд энэ үеэр уран бүтээлчидтэй уулзаж, сүүлийн үеийн уран бүтээлүүдтэй нь танилцан, хүссэн бүтээлээ өөрийн болгох боломжтой юм.

Хүнд байгалиас гоо сайxны мэдрэмжийг заяасан хэдий ч түүнийгээ нээхгүй байсаар хорвоог бардаг. Өөрийн дотор байх мэдрэмжийг хөглөснөөр шинэ сэдэл санаа, урам зоригоор өөрийгөө дүүргэж чаддаг. Та өөрийн сэрэхүй мэдрэмжийг нээхийн тулд уран зургийн гайхамшигт ертөнцөд түр ч болтугай саатаж, уран зургийн яруу тансаг өнгө зохисоор нүд баясгаж сэтгэлээ хөглөөрэй.