УИХ дахь МАН-ын бүлгийн ээлжит бус хуралдаан 12.00 цагт зарлагдаад
байсан ч хойшлогдлоо. Гэхдээ үдээс хойш хуралдаж, УИХ-ын Сонгуулийн
тухай хуулийн төсөлтэй холбоотойгоор санал зөрөлдөж буй асуудлаа
үргэлжлүүлэн авч хэлэлцэхээр болсон байна.

Тус намын бүлэг ирэх сонгуулийг можаритор давамгайлсан 50:26 хувилбараар
явуулах уу, эсвэл пропорцианаль давамгайлсан холимог тогтолцоогоор
явуулах уу гэдгийг ард түмний санал асуулгаар шийдвэрлэх ёстой гэсэн
байр суурь баримталж буй бол УИХ дахь Ардчилсан намын бүлэг санал
асуулга явуулахын эсрэг байгаа юм. Тиймээс улстөрийн амьдралд үүсээд
байгаа гацааг зогсоох үүднээс дахин ээлжит бус хуралдаан зарлаж, гарц
хайхаар болжээ.