“Монгол ньюс” мэдээллийн төвд өнөөдөр “Цэмцгэр Монгол наадам”-ын талаар нийслэлийн Захирагчийн ажлын алба, “Энхийн төлөө үйлчлэхүй” ТББ-аас мэдээлэл хийлээ. “Энхийн төлөө үйлчлэхүй” хөдөлгөөнөөс дөрөв дэх жилдээ “Цэмцгэр Монгол наадам” арга хэмжээг зохион байгуулж байгаа юм. Энэ удаа тэдэнтэй 500 гаруй залуус сайн дураараа нэгдэн, баяр наадмын үеэр Төв цэнгэлдэх хүрээлэнгийн 18 хаалганы ойролцоо болон бусад 30 хэсэгт хөдөлгөөнт хогийн сав ажиллуулахаар болжээ. Эдгээр залуус наадмаар ард иргэддээ “Хоггүй наадъя” уриан дор өөрсдөө үлгэр дууриал болон ажиллах ажээ