Францын нийслэл Парис хотноо өнгөрсөн долоо хоногт болсон Дэлхийн мал эмнэлгийн байгууллагын /ДМАЭБ/-ын Ерөнхий чуулганы үеэр малын өвчнийг хяналтанд авах хөтөлбөр болон өвчнөөр эрүүл орны статусыг албан ёсоор олгожээ. Гахайн мялзан болон адууны тахал зэрэг өвчнөөс ангижирсан орнуудыг дэлхий нийтэд зарлаж, статус олгосон байна. Чуулганы үеэр манай улс малын шүлхий өвчнийг хяналтанд авах албан ёсны хөтөлбөрийг батлуулсан орноор өргөмжилжээ. Манай улсаас гадна  Тайланд, Казахстан улсууд ийн өргөмжлөгджээ. Харин дараах орнууд малын зарим төрлийн өвчингүй эрүүл орноор тодорсон байна. Үүнд:

• Европ, Ази, Номхон далайн бүсийн 7 орон,  Бразилийн нэг бүс нь гахайн сонгомол мялзан өвчнөөс эрүүл гэсэн статус;

• Латви улсад бог малын мялзан өвчнөөс эрүүл орны статус;

• Казахстан болон Филиппин нь Африкын адууны тахлаар тайван орны статус;

• Европ, Африк, Америк тивийн 6 орон  үхрийн тархины эд сархиагтах өвчнөөр бага эрсдэлтэй орны албан ёсны статус олгосон. Намиби улс нь үхрийн тархины сархиагтах өвчнөөр бага эрсдэлтэй орны албан ёсны статус авсан Африкын анхны улс болсон.

• Америк, Африк, Ази Номхон далайн бүсийн 3 орон, Намиби улсын нэг бүс нутаг нь үхрийн цээж өвчнөөр эрүүл орны албан ёсны статус авлаа.

• Шүлхийгээр эрүүл вакцин таригдаагүй бүсийн статусыг нэг улсад олгосон.

Үүнээс гадна Таиланд, Монгол, Казахстан улс нь шүлхийг хяналтанд авах хөтөлбөрөө батлуулсан. ДМАЭМБ-ын чуулганаар нийт 25 улсын өвчнөөр тайван эсвэл өвчнийг хяналтанд авах хөтөлбөр батлуулах хүсэлтийг хүлээн авч хэлэлцсэн байна.

ДМАЭМБ-ЫН ЕРӨНХИЙ ЧУУЛГАНААР МАЛЫН ӨВЧНӨӨР ТАЙВАН ЭСВЭЛ ӨВЧНИЙГ ХЯНАЛТАД АВАХ ХӨТӨЛБӨР БАТЛУУЛСАН ОРНЫ ЖАГСААЛТ

Д.ЦЭЭЛ