Шилдэг багуудын тулаанд шигшээг төлөөлөх тамирчид

Дэлхийн аварга шалгаруулах тэмцээнд эхний найман байр эзэлсэн багууд урилгаар оролцдог бөхийн чөлөөт барилдааны “Дэлхийн цом”-ын тэмцээн зургадугаар сарын 11-12-нд АНУ-ын Лос-Анжелос хотод болно.

2015 оны Дэлхийн аварга шалгаруулах тэмцээнээс шигшээ багийн тамирчин Б.Номин /61 кг/, П.Өнөрбат /74 кг/ нар мөнгө, Э.Бэхбаяр /57/ хүрэл медаль хүртэж, Г.Мандахнаран /65 кг/, Ж.Чулуунбат /125 кг/ нар шагналт V байр эзэлсэн юм. Энэ амжилтын нийт дүнгээр Монголын эрэгтэй баг ОХУ, АНУ, Гүржийн багуудын дараа 41 оноогоор IV байрт бичигдэж, шилдгүүдийн “Дэлхийн цом”-д өрсөлдөх эрхтэй болсон. Өмнө нь Монголын чөлөөт бөхийн тамирчид 1971, 1974, 1975, 1985 оны ДАШТ-ээс гурван медаль авч байсан амжилтыг өнгөрсөн жил давтсаныг сануулъя.

2015 ОНЫ ЧӨЛӨӨТ БӨХИЙН ДАШТ-ИЙ БАГИЙН ДҮН: /Эрэгтэй/

1.ОХУ /61 оноо/
2. Иран /48 оноо/
3. Гүрж /44 оноо/
4. Монгол /41 оноо/
5. Азербайжан /39 оноо/
6. Турк /33 оноо/
7. АНУ /29 оноо/
8. Болгар /23 оноо/
9. Украин /20 оноо/
10. Энэтхэг /14 оноо/

Өнгөрсөн жилийн Дэлхийн аваргад наймдугаар байр эзэлсэн Болгар, улмаар есдүгээр байрт шалгарсан Украин оролцох боломжгүй болсон тул аравт орсон Энэтхэгийн баг "Дэлхийн цом"-д өрсөлдөх болсон.

Шилдэг багуудын “Дэлхийн цом 2016”-д өрсөлдөх Монголын шигшээ баг “А” хэсэгт таарсан ба ОХУ, Гүрж, Туркийн хүчтэй баг тэднийг хүлээж байна.

“ДЭЛХИЙН ЦОМ”-ЫН СУГАЛАА