“Чингис” зочид буудалд өнөөдөр уул уурхайн ханган нийлүүлэгчдийн форум эхэллээ. “Miner & Supplier” форум  нь Монголын уул уурхайн салбарын ханган нийлүүлэлтийн чанарыг дээшлүүлэх, инженер болон уул уурхайн компаниудад зөв мэдээлэл хүргэх, ханган нийлүүлэгчдийн уул уурхайн салбарын зах зээл дэх оролцоог нэмэгдүүлэх,  ханган нийлүүлэгч болоод уул уурхайн бизнесмэнүүдийн хоорондын бизнесийн уялдаа харилцааг нэмэгдүүлэх зорилготой Монголд анх удаа болж буй арга хэмжээ юм. Форумыг Эрдэс баялаг уул уурхайн бирж төрийн бус байгууллага зохион байгуулж буй бөгөөд форумд 200 гаруй уул уурхайн хангамжийн менежер, геологчид, инженерүүд, ханган нийлүүлэлтийн тэргүүн компаниуд оролцож байна.