Азийн санхүүгийн төв Сингапурт дэлхийн уул уурхайн хөрөнгө оруулагчдын томоохон чуулгануудын нэг болох Mining Investvent Fundamintals-2011 болох гэж байна. Энэ сарын 12-14-ний өдрүүдэд болох энэхүү чуулганыг Английн Mining Journal сэтгүүл болон BEACON-оос хамтран зохион байгуулж байгаа юм. Монголын Уул уурхайн үндэсний ассоциаци болон Бизнес консул дэмжигч байгууллагаар нь ажиллаж байна.
Чуулганы илтгэгчид нь BEHRE DOLBEAR group, ING BANK, Singapore exchange, Standart bank, ANZ, Barclays bank зэрэг томоохон банк, санхүүгийн группууд байх юм. Зүүн хойд Ази болон Хятад, Монголын уул уурхайн салбарын хөрөнгө оруулалтын орчин хийгээд Зүүн хойд Ази яагаад уул уурхайн хөрөнгө оруулалтын төв болж байгаа талаар, мөн зэс, нүүрс, төмрийн хүдрийн зах зээл, үнийн хандлага, шинэ ордууд, Азийн уул уурхайн хөрөнгө оруулалт, уул уурхайн компаниудын IPO болон банк санхүүгийн байгууллагуудын чиг хандлага гээд олон сэдвээр хэлэлцэх юм байна.  

С.Болд