1996 оны есдүгээр сарын 7-ны өдөр Лас-Вегаст болсон боксын тэмцээн үзээд буцаж явахдаа хэд хэдэн удаа буудуулснаасаа болж нас барсан нэрт реппер Тупак Шакурын нас барахаасаа гурван сарын өмнө худалдаж авсан Хаммер-Н1 автомашин Бостонд зарлагдсан дуудлага худалдаанд орлоо. Нас барснаас нь хойш энэ машин олон ч эзний гар дамжжээ.  Бартаат замд зориулан тоноглосон энэхүү машиныг репперийн үнэнч шүтэн бишрэгч 337,114 доллароор худалдан авчээ. Машины үзүүлэлтүүдийг дурдвал: V8 турбо дизель хөдөлгүүртэй, нийт 10,101 миль газар явсан заалттай, дотор салон нь бейж өнгийн, 12 CD тоглуулах чадвартай хөгжим зэргийг суурилуулсан байна.