Улсын баяр наадам болох гэж буйтай холбогдуулан галт тэрэгний хуваарьт өөрчлөлт ороод буй юм. Тодруулбал, Эрээн, Замын-Үүд чиглэлийн галт тэрэг өөрчлөгдсөн хуваарийн дагуу гурван өдөр явахгүй ажээ.

Улаанбаатар-Замын-Үүд чиглэлийн 44 дүгээр галт тэрэг энэ сарын 9, 13, 16-ны өдрүүдэд явахгүй бол Улаанбаатар-Эрээний чиглэлийн 22 дугаар галт тэрэг 10, 14, 17-ны өдөр явахгүй болсон байна. Мөн баярын өдрүүдэд ажиллах галт тэрэгний хуваарийг сонирхуулъя.

Наадамчдыг хурдан морины уралдаан үзэхэд нь зориулан Улаанбаатар-Давааны, Давааны-Улаанбаатарын чиглэлд нэмэгдэл 303/304, 305/302-р галт тэрэг Толгойт, Эмээлт өртөөдөд зогсолт хийн, доорхи хуваарийн дагуу аялна.

Баярын өдрүүдэд буюу долдугаар сарын 10-13-ны өдрүүдэд Эрдэнэт-Дархан- Улаанбаатар чиглэлийн 311/274-р галт тэрэг Давааны зөрлөгт хоёр минут зогсолттой аялах бол 11-13-ны өдрүүдэд Дархан-Сүхбаатар-Дархан чиглэлийн 701, 702-р галт тэрэг бүх өртөө километрүүдэд зогсолттой аялах юм байна.

Баярын өдрүүдэд Улаанбаатар-Эрдэнэт, Улаанбаатар-Сүхбаатар, Улаанбаатар- Бор-Өндөр чиглэлд нэмэгдлээр вагон аялуулах болжээ.

Галт тэрэгний №	Сар өдөр	Улаанбаатар		Давааны зөрлөг
		Явах цаг	Ирэх цаг	Очих цаг	Явах цаг
303/304	7-р сарын 10, 11	06:15	12:30	07:20	11:35
305/302	7-р сарын 10, 11	13:10	18:00	14:05	17:00
303/304	7-р сарын 12	06:15	15:05	07:20	14:10
303/302	7-р сарын 13	07:25	18:00	08:25	17:00