Дэлхийн алдарт Nike брэнд Английн “Челси” клубын шинэ ивээн тэтгэгч боллоо. “Цэнхэрүүд” зургаан жилийн хугацаанд хамтарч ажилласан Adidas брэндтэй гэрээгээ цуцалсан бөгөөд хэдхэн хоногийн өмнө Nike-тай хамтрахаар болсон талаараа зарласан юм.

“Челси” Adidas-аас жилд 30 сая фунт авдаг байсан бөгөөд энэ нь Европын бусад багуудын ижил төстэй гэрээг бодвол хамаагүй бага мөнгө байсан аж. Тэгвэл The Telegraph-ийн мэдээлж байгаагаар “Челси” Nike-тай жилд 60 сая фунтын гэрээг байгуулж байгаа юм байна.

Ингэснээр Лондоны баг “Манчестер Юнайтед”-ын дараа орохоор ашигтай гэрээг байгуулж байгаа юм. “Улаан чөтгөрүүд”-ийн хувьд жилийн 75 сая фунтын гэрээг хийсэн байдаг ажээ.

Н.БОЛД

Эх сурвалж: www.mminfo.mn