“Корпорэйт Конвеншн центр”-т өнөөдөр 13 цагийн орчимд гал гарч, гал унтраах ангийнхан шуурхай ажилласны эцэст галыг гадагш тархуулалгүй унтрааж чадсан билээ. Үүний дагуу тус байгууллагын үүсгэн байгуулагч Т.Ганболдтой холбогдож зарим зүйлийг тодруулав.

–Танай байгууллага дээр гал юунаас болж гарав?

-Цахилгааны шахтанд гал гарсан юм байна…

-Тантай холбоотой гадны нөлөөтэй байх магадлалтай гэж хүмүүс ярьж байна?!

-Манай инженерүүд гадны нөлөөтэй байх гэж дүгнэж байна! Надтай "гангстэр" болж тоглох гэж байгаа бол нэгд: би айхгүй! хоёрт: би хууль хяналтын байгууллагаар шалгуулж нарийн мэргэжлийн дүгнэлтийг харна.

-Хохирол хэр зэрэг гарав?

-Театрын нарийн техникүүд болон инженерийн шугамууд нэлээд гэмтчих шиг боллоо.