Өнгөрсөн улирлын хэвлэл захиалгын нэгдсэн дүнгээр захиалга борлуулалтаараа амжилтаа бататгасан “Соронз” сэтгүүл сортоотой уншигчиддаа шинэхэн дугаараа хүргэхэд бэлэн боллоо. Шинэ дугаарын папарацид их аварга Д.Дагвадоржийн газар дээрхи ганц охин дүү, Японы гольфийн аварга Д.Ичинноров найз залуугийн хамт өртлөө. Мөн “Соронз” сэтгүүлийн уншигчдын тэсэн ядан хүлээж, хуудсыг нь яаран дэлгэдэг “Hot news” буланд Монголын толгой баян “МАК”-ийн Б.Нямтайширын хүү, улс төрд хүч үзэж эхлээд буй Н.Номтойбаярын гэр бүл, мэдлэг боловсрол, хувийн амьдралын талаар сонирхолтой мэдээг хүргэж байна. Үүний зэрэгцээ аугаа их зохиолч Ч.Лодойдамбын хүү элчин сайд Л.Галбадрах “Соронз”-ын дуранд залуухан мисс гэргийн хамт өрсөн бөгөөд сонирхолтой нийтлэлийг уншигчиддаа хүргэхийн зэрэгцээ шадар сайд М.Энхболдын хүү Э.Анарын хуриманд нэрээ нууцалсан улс төрчид хамгийн үнэтэй машинаар бэлэг барьж ширүүхэн өрсөлдсөнийг дуулгаж, залуу хос хуримын дараа цагийг хэрхэн өнгөрөөж яваа нь манай дуранд өртлөө. Эрүүл хооллолт эрчүүдэд ч халдаж, энэ цагийн тэрбумтан эр хэр гоолиг болсныг “Соронз”-ын хуудаснаас харахын зэрэгцээ А.Сүхбат аваргын гэргий ууланд авирч эхэлсний нууц юу болох, “Алтан тариа”-н П.Цэнгүүний толгойны өвчин хэн гэдгийг ч мэдэх болно. Манай сэтгүүл шинэ дугаартаа сонгодог урлагаар амьсгалсан 6-р сарын сүүлийн өдрүүдийг дурандаж “Балетын үдэш”-т санаандгүй ижил хувцсаар гангарч ирсэн хатагтай нарыг ч онцоллоо. Энэ цагийн моданы чиг хандалгыг нас насандаа тодорхойлогч топ хатагтай Э.Одгэрэл, О.Содбилэгийн гэргий Э.Туул, АПУ-гийн П.Батсайханы гэргий Ц.Алимаа нараар тэргүүлсэн сонирхолтой зочдын өвөрмөц дэгжин хувцаслалт бас гоёл нь ихэдсэн хатагтай нарыг сонжоорой. Мөн балетчин Д.Алтанхуягийн гэргий Б.Хулан анх удаа “Соронз”-ын дуранд өртсөн бөгөөд нүдний эмч мэргэжилтэй гавьяатын даруухан гэргий харийн оронд мэдлэгээрээ гайхуулдаг гээд дэлгэрэнгүй танилцуулж байна. Эх орондоо ирээд удаагүй ч бизнесийн ертөнцөд хүчээ авч эхэлсэн “Алтжин”-гийн Г.Алтан хатагтайн нууц юу болохыг “Соронз” мөн л дэлгэхийн зэрэгцээ бизнесийн шинэ үеийн төлөөлөл болсон залуу гэр бүлүүдийг ч дурандаа дусгав. Энэ удаад Д.Арвин гишүүний хүү сүйт бүсгүйн хамт, “Петровис”-ийн Ж.Оюунгэрэл хатагтайн охин Б.Шинэзаяа нөхрийн хамт гээд олон сонирхолтой гэр бүлийг сонирхуулж байна. Шинэ дугаарын зочноор топ модель Д.Пүрэвсүрэн уригдаж уран бүтээл, хувийн амьдралынхаа талаар сонирхолтой яриа өрнүүлсэн бөгөөд цаг хугацаа, уучлал гээд топ моделийн яриа бүсгүйчүүдэд нэгийг бодогдуулах бизээ. Харин энэ удаагийн “Гол дүр”-ээр нэгэн үе нас насныхныг байлдан дагуулсан хүүхдийн нэвтрүүлгийн дүрсгүй Унагалдайг онцоллоо. “Соронз” шинэ дугаартаа “Монгол гиннес” болсон сагсчин Ц.Шаравжамцынд зочилж өмсдөг хувцаснаас нь авахуулаад өндөр хүний амьдралын сонирхолтой үйл явдлуудыг уншигчиддаа хүргэж байна. Мэдээж хэрэг арын хуудсуудад урлаг соёлын оддын сонирхолтой мэдээ мэдээлэл, үйл явдлын шинэхэн фото агшнууд уншигч таныг уйдаахгүй. “Соронз” сэтгүүлээ амжиж уншаарай.