Монголын хөрөнгийн биржид бүртгэлтэй “Хялганат” ХК-ийн хувьцааг худалдаж авах тендер саналыг нэгдмэл сонирхолтой С.Шаравдорж, Б.Ууганбаяр, Д.Булганчимэг нар гаргажээ. Тус хувьцаат компанийн бусад хувьцаа эзэмшигчдийн өмчлөлд байгаа нийт хувьцааны 16.81 хувь буюу 1360 ширхэг хувьцааг нэг бүрийг нь 5000 /таван мянган / төгрөгөөр худалдан авч тус компанийг 100 хувь эзэмшихээр тендер санал гаргасныг Санхүүгийн зохицуулах хороо зөвшөөрчээ. Тендер саналын хүчинтэй байх хугацааг 2011 оны зургадугаар сарын 02-ны өдрөөс эхлэн ажлын 60 хоногоор тогтлоо. Энэ нь наймдугаар сарын 24-ний өдөр хүртэл хүчинтэй аж.