Эклерт хордсон 27 хүн эмнэлэгт хэвтжээ | News.MN

Эклерт хордсон 27 хүн эмнэлэгт хэвтжээ

Хуучирсан мэдээ: 2016.04.28-нд нийтлэгдсэн

Эклерт хордсон 27 хүн эмнэлэгт хэвтжээ

Нийслэлийн Мэргэжлийн хяналтын газраас энэ сарын 24-ны өдөр "Нью свийт фүүдс” ХХК-ийн үйлдвэрлэлийн үйл ажиллагааг зогсоож, эрүүл ахуйн тандалт судалгаа хийж, сэжиг бүхий ундны ус, түүхий эд, бэлэн бүтээгдэхүүнээс зохих журмын дагуу дээж авч Нэгдсэн төв лабораторид шинжлүүлж буй. Энэ сарын 25-ны өдрийн 16 цагийн үед “Нью свийт фүүдс” ХХК-ийн эклер нэрийн бүтээгдэхүүнийг худалдан авч хэрэглэсэн 45 хүн хоолны хордлого авч эмнэлэгт хандаж, тэдний 27 нь ХӨСҮТ-д хэвтэн эмчлүүлж байгаа талаар бид мэдээлсэн. Тэгвэл хордлого авсан хүмүүсийн тоо нэмэгдсээр буй аж. Өнөөдрийн байдлаар хордлого авсан хүмүүсийн тоо 128 болж, 79 хүн ХӨСҮТ-д хэвтэн эмчлүүлж байна.Хүнсний сүлжээнд нийлүүлэгдсэн эклерийг яаралтай татан авах ажил хийгдэж байна.  Тиймээс “Нью свийт фүүдс” ХХК-ийн эклер нэрийн бүтээгдэхүүнийг худалдан авахгүй, авсан бол хүнсэндээ хэрэглэхгүй байхыг Нийслэлийн мэргэжлийн хяналтын газраас анхааруулж байна.

Б.БАТ

NewsMN Гар утасны хувилбар Татах
NEWS.mn

Мэдээллийн эх сурвалж