Европын холбооны Тээврийн сайд нар даваа гаригт цугларан нислэгийн томоохон компаниудын үнсэн үүлэн дундуур хийсэн туршилтын нислэгийн үр дүнг  авч хэлэлцэхээр болжээ. Нидерландын KLM компани зорчигчгүйгээр дөрвөн онгоцоо 3000 метрын өндрөөр Амстердам- Дюссельдорф чиглэлд нисгэж туршсан байна. Германы Lufthansa бямба гаригт арван нислэгийг Франкфурт ба Мюнхены чиглэлд хийжээ. Дараа нь тэдгээр онгоцнуудыг сайтар шалган үзэхэд ямар нэг хор нөлөө байсангүй ажээ.  Air France ч бас ийм нислэг хийлээ.
Air Berlin компанийн тэргүүн Йоахим Гунольд галт уулын дэлбэрэлтийн улмаас нислэг хаасан шийдвэрийг шүүмжилсэн байна. Ийм шийдвэрийг гаргахад тоосжилтын бодит хэмжээг тооцолгүй компьютерийн загварыг илүүд үзсэн гэж тэр шүүмжилжээ. Ням гаригт цаг уурчид мэдэгдэхдээ галт уулын үнс дэлхийн агаар мандалд тархсан гэлээ. Гэхдээ хаагдсан нислэгийн 50 хувийг сайд нарын зөвлөгөөн сэргээж магадгүй. Герман, Их Британи, Нидерланд агаарын орон зайгаа ихэнхийг нь хаасан хэвээр байна гэж мэдэгдэв.
Шинжээчдийн дүгнэлтээр нислэг зогссоноос хойш нисэхийн тээвэр өдөр бүр 200 сая ам.долларын хохиролтой учирч байна. Исландын галт уулын идэвхжилт хоёр зууны дараа өнгөрсөн лхагва гаригт эхэлсэн билээ.